Fundación Ciclismo Galego

O XACOBEO GALICIA RECIBIU O PREMIO POR EQUIPOS DA OITAVA ETAPA

Gonzalo Rabuñal, oitavo na etapa e primeiro en valentía e coraxe

O Xacobeo Galicia volveu ao ataque na dura novena etapa da Volta a España, con Gonzalo Rabuñal cabeza de carreira en solitario ao distanciarse dun grupo de quince escapados, para ser alcanzado novamente e acabar cruzando a liña de chegada en oitava posición. A vitoria de etapa foi para David López (Caisse D´Epargne), integrante da fuga. Todos os favoritos entraron no pelotón principal, a máis de sete minutos, e Igor Antón (Euskaltel) segue de líder.

Entrar

CALPE - ALCOI: 187,7 QUILÓMETROS

O Xacobeo Galicia quere contribuír a outra gran xornada de ciclismo

Segunda etapa semi-montañosa ou de media montaña. A pesar dos seus sete portos -catro de segunda categoría e tres de terceira- en teoría preséntase menos determinante que a de Xorret del Catí. As opcións de éxito para a escapada son moitas, polo que se presume unha loita intensa por entrar no corte, a non ser que o pelotón se manexe con astucia e deixe marchar unha de conveniencia, aproveitando que os primeiros cincuenta quilómetros son os máis accesibles dun percorrido de 187,7. Serafín Martínez terá, entre outros obxectivos, saír a defender a camisola de montaña. O competidor que lle saíu tras a oitava etapa, Moncoutie (Cofidis), é un rival de moita consideración, como acredita o seu gran palmarés. Pero ese será un estímulo máis para o ciclista do Rosal. O Xacobeo Galicia, no seu conxunto, está decidido a contribuír a outra gran xornada de ciclismo.

PRIMEIRO POSTO POR EQUIPOS E SEGUNDO NA ETAPA CON SERAFÍN MARTÍNEZ

O Xacobeo Galicia brilla con luz propia na primeira etapa de montaña da Volta

O Xacobeo Galicia brillou con luz propia na primeira etapa de montaña da Volta, con Serafín Martínez lanzado á defensa do reinado da montaña e un excelente segundo posto na meta de Xorret do Catí, escenario o ano pasado do triunfo de etapa de Gustavo C. Veloso; coa vitoria, ademais, por equipos na xornada e Ezequiel Mosquera escalando tres posicións para situarse sétimo na xeral.

Outras novas

O Xacobeo Galicia quere avanzar cara ao podio e repetir vitoria no porto alacantino

Vladimir Isaychev (Xacobeo Galicia) encabezou a rebelión dos modestos

Gustavo C. Veloso e David García preseleccionados para o Mundial de Australia

A lei dos sprinters noutra xornada de aproximación aos campos de batalla

Unipublic pensa nunha etapa raíña en Galicia para Volta a España do 2011

O Xacobeo Galicia estivo no seu sitio, con Mosquera vixiante e Serafín Martínez no podio

Sexta etapa: A opción da escapada pode ter recompensa hoxe

O Xacobeo Galicia arroupou a Ezequiel Mosquera nunha etapa que acabou ao sprint

A difícil tarefa de "aguador"

Quinta etapa: vento en popa e a toda vela

Ezequiel Mosquera avanza posicións e xa é décimo na xeral da Volta a España

Itinerario sen respiros despois do quilómetro trinta e final espectacular

Serafín Martínez reina na montaña da Volta tras rozar a proeza

Ezequiel Mosquera remontou un posto na última etapa de montaña